激似高達嘅Iron Man 千值練RE:EDIT第12彈

千值練RE:EDIT系列Iron Man數數下原來已經出到第12彈。 雖然經過千值練嘅手， 造型設計上都一定好靚好型。 但成個系列除咗War Machine同埋Hulkbuster之外， 之前大部份都好似差唔多樣咁。

結果嚟到第12彈， 千值練就嚟個驚喜畀大家， 就係呢款似高達多過似Iron Man嘅House of M裝甲版Iron Man。

呢個造型本身係取自《HOUSE OF M》漫畫故事中嘅Iron Man裝甲， 本來就同一般其他唔同版本Iron Man嘅造型有好大差距。 而經過千值練將佢「重練」， 變得除咗心口有Iron Man特有嘅能源核心同埋金紅兩色配色之外， 其他任何一部份都同傳統Iron Man造型有天淵之別。

不過話說回來， 正正因為咁先更顯得呢隻HOUSE OF M裝甲嘅Iron Man特別。 先由頭開始講講主體本身， 除咗埋面凹咗入去同冇咗對角， 成個頭漑設計根本就同高達係一樣。 身嘅設計就比較似乎其他Iron Man， 不過手部同下身就又係同高達非常相似， 尤其係手踭同膝頭關節設計， 完全冇遮檔搞到似「機械」多於人類關節。 整體比例而言，

就同過往千值練嘅設計有好大出入。 手腳比較粗， 但身比較細， 頭身比例亦相對大。

講到佢嘅最大特色， 當然就係有啲似高達GP03D縮細版嘅背包，

左右兩個大型噴射器， 據官圖睇係可以著燈。 正中央能量包以「子彈鍊」連接右手大砲， 火力十足。 最難得係佢仲整埋個同某創建XX高達專用差唔多樣嘅護盾畀你等你唔好似為佢係抄GP03D。 不過， 其實佢原故事入面設計亦都係咁， 並唔係真係好似前面咁講話抄自高達。 而經過千值練修改過之後， 成件事變得更加有型， 唔會好似原設計咁臃腫， 感覺更靈動， 可動性亦更高， 先畀到大家有「似高達」嘅錯覺啫。